Vakaansie 2016

wijn.jpg

Zoooo...... wij hebt 'n heerlijk weekie vakaansie achter de rug…….'t Beierse Woud……

Dankzij de hulp van oes Ria en Yvette, die ’t der aofgeloop’n week maor drök met hadden, en Roelof Hadderingh die ok nog ’n paor daog in de keuken an’t wark kun……..kunn’n wij ’n klein weekie vöt…..

Heerlijk…..in ’n hotel, mooi gelegen in de bargen…..alles der op & der an……oes berre wur nou teminnen al daog op maokt…..der wur ok nog es aofwassen veur oes……wat wil ’n mens nog meer……en ja tuurluk……..overal is wat op an te marken…..maor wij bint wat dat betreft altied wel vrij makkelk……
As ik dan “argens” lees van een bezuuker an’t zulfde hotel die schref: “het eten was goed, maar wel Duits”…….najahhhhh mèns denk ik dan……ij bint in Duutsland blief dan in de vredesnaom thoes…..wat doei daor dan in Duutsland………maar ja………..wel ben ik?

Gisteraovond thoes kommen……nao ’n heerlijke maoltied nuttigt te hebben in Restaurant de Brombeer, heerlijk kookt deur Roelof Hadderingh………thoes gekommen toch moar direct de wasmachine volstopt……..want de volgende dag mus’n wij direct weer an de bak natuurlijk…..

Mien Roef har wel zegt dat der ’n taofeltie van 6 bespreuken har um half 6…..gien acht op slaon verder……’t wichtie in de bediening zult wel verder regel’n ja…..
Terwijl ik lekker in de keuken bezig bin veur ’t kleine partijgie van mörgen………zie ik iemand staon bij de bar…….”kan ik U helpen mevr?”…….”jazeker…..wij zitten al ander half uur te wachten op ons eten en ik wil nu wel eens weten of het zo klaar is…..de kinderen moeten nodig naar bed”………..ik dacht direct …..mèns….die kinder hebt vakaansie dus da’s gelul…..dus ik met mien allervriendelijkst gezicht: “Oh nou mevr……dat is ook wat, ik ga het direct vragen hoe dit mogelijk is……” In de keuken kiekt ze mij an alsof ik nie wies bin as ik herhaol wat mevr. teeg’n mij zegt hef………hoe komp ze derbij……nog vief minuten en ’t is klaor……aldus de keuken….
Wanneer ik dit an mevr. deurgeef en daorbij dan maor weer met mien allervriendelijkste gezicht vraog of ze dan in ieder geval nog iets wilt drink’n van ons……..röp ze mij toe: “nee, nee en nog eens nee ik geef jullie nog 15 minuten”………….”Ja natuurlijk mevr........het komt eraan hoor mevr”.....

Toen ’t eet’n der binnen 5 minuut’n stun, wol’n ze toch ök nog wel dat draankie van oes hebben….zie hadden zich daorin toch maor bedacht………en ’t eet’n was ök nog lekker…….

Wanneer ik laoter toch es naovraog gao doen bij de bediening, blek dat ze der nie um half 6 waar’n, maor ruum nao zessen……..tja……aj die tied der bij rekent dan kom je wel op ander half uur wachttied oet………..
Later komp ’t wichtie van de bediening bij Roef……”hebben wij ook meeneembakjes Roelof?” “Jazeker” zeg Roef…….”hoezo?”…….”oh die mevr. wil haar spare ribs graag mee, ze kan ze niet op”…….an de bar stiet de mevr die “anderhalf uur” mus wachten………Roef was eem stil…….naodenkend……..rustig blieven………..en ik……ik op de achtergrond in de keuken zachies........1…..2…….3…….4……5.......…en iniens........ “ja hoor natuurlijk kan dat” heur ik mien Roef met een grijns zeggen……..

Wel wetend met oes beiden dat ök dit weer 'n eigen verhaoltie giet krieg'n op internet.........zie verteld der dan nie bij dat ze zulf bijna 3 kwartier laoter waar'n dan aofspreuken.........en ja, as der dan aans nog volk veur heur an is............jammer dan.......dan zul je toch echt eem moet'n wacht'n............

Der bint van die mensen die der op kickt gleuf'k um zuks wat op internet te zetten......reviews nuumt ze dat……en tja......daor kunt wij dan gien weerwoord op geven..........hoe makkelk is't veur dizze mènsen........

Nog 'n klein veurbeeldie:

Der zit mènsen op 't terras, Roef giet hen en vraogen of e ze helpen kan: "Nou nee eiglijk niet maar of ze even mogen wachten op het terras omdat hun huisje nog niet in orde is?" Jawhor dat mag, gien probleem.......Zut Roef laoter dat ze zulf drinken etc oet de tassen pakt, wanneer Roef daor dan iets van zeg bint de raopen gaor natuurluk...........Boos bint ze........en tja.......je kunt 't wel raoden zekers?

'n Kleine week laoter stiet der as review op de site: "De Brombeer is ook een echte Brombeer, we mochten niet eens even wachten op het terras omdat ons huisje nog niet in orde was !!!!!! Zie vermeld der dan nie bij dat ze heur eigen eet'n & drink'n uutstalt hadden op "OES" terras !!! Lang leve de vakaansiegangers.......tjonge jonge, ik zult nie iens in mien kop kriegen um op 'n terras te gaon zitten en mien eigen drinken dan ök nog maor es presenteer'n ........

'k Heb mij veur da'k op vakaansie gung, veurneumen um die rommel nie meer te lezen......zie kunt je maoken en breken.........sommigen kickt derop dat ze weer 'n cijfertie hoger bint........ach jonges hol toch op........'t is ien grote poppekast.........zelfs ik kan der zelf wel ’n review op gaon zetten……
'k Lag der wakker van.........'t zal me nou nie meer gebeur'n...........
'k hebt liever van de mensen die eerlijk bint.........èn dat is zekers nie ELK ÈN IEN.......

Maor ja.......wel ben ik?

zwemmen.jpg