Sunterklaos 6 december 2015

Sunterklaos 6 december 2015

Vanaomn'd in totaal met 18 man (de kleinties met rekent) bint wij aanwezig om oeze jaorlukse sunterklaos pakkies aovond te vieren.

Dit jaor veur 't eerst zunder oes oma, wel 'n beetie vrumd.....Oom Ton kwam nou allennig vanuut Schonnoord......

Je kunt je veurstellen met zo'n grote club daj maor zo nie klaor bint met gedichten veurlezen, kadoogies uutpakken etc......

Ök dit jaor bint der weer mensen die van alles kwiet wilt en daor dan 'n mooi gedichtie bij maokt......'t scheelt je 'n keer rieden naor de stört......

Gezellig tussendeur eefies lekker soep eten, heerlijke broodjes warm vlees.......'t kun nie op......de december maond begunt alweer goed......

Um 'n uur of 8 vanaovond waar'n gleuf'k alle kadoogies uutpakt, nog eem 'n lekker koppie koffie met maor weer wat lekkers derbij, want 't aandre was al bijna weer verteerd.....

Nao zun gezellige aomn'd, krieg je tillefoon van Oom Ton, die inmiddels bij hoes ankommen was........der was bij um thoes inbroken........je kunt begriepen wat wij allemaol oetreupen.......G..V..D.....

Zien 2 zusters en zwaogers bint direct in de auto stapt, op naor Schonnoord.......

Oes mam belde eem laoter, 't was met gien pen te beschrieven hoe 't der oet zag, alles, maor dan ök alles hebt ze overhoop haolt, ‘t keukenraom lag der oet, zie hebt der gewoon 'n bakstien in gooit......de achterdeur was zet en binnen in hoes was echt alles van beneden tot boven op de kop trökken. Zie hadden zülfs 'n stoel bij de veurdeur under de deurklink zet, want stel dat Oom Ton onverwachts thoes zul kommen.....

'n Paor röttige centen is der met nummen, maor waor ik en de rest al bang veur was, oes Oma heur sieraoden, tja........ök die bint allemaol vöt......

Nou was oes Oma gien sieraoden Keunigin, maor der waar'n natuurluk sieraoden van emotionele weerde, en dat is vöt, alles is vöt..........inclusief de trouwringen van oes Opa en Oma..........en da's zuur.....heul zuur.........nie te verteer'n........

Nou 'k dit zo an 't schriem bin, word 'k aal kwaoder, slaopen kan 'k nog eem nie.......

Toen wij weer en hoes gungen, was Sam al drök an 't denken, stel dat er bij ons ook......neeheeeee Sam, doe nie zo raor.......maor toen wij in hoes waar'n weur de hoessleutel heul demonstratief op de keukentaofel legt. Waorbij Sam zee:" Mam, ik wil dit niet meer, de sleutel mag daar niet meer liggen".

En ik dacht.........ja kind je hebt geliek, hier wur altied roepen, ök al waar 'n wij der nie: " oh sleutel lig wel in 't klompie ! " Half Buun'n wus dat oeze hoessleutel altied in 't klompie bij de veurdeur lag……

Dus bij dizze volk: de klompies staot nog net zo bij de veurdeur........maor nou zunder sleutel.......

sinterklaas.jpg