Schoelreissie 2016

Tja......wat ik aan 't doen ben???? Dat vrag Facebook mij dan hè.........Nahjahhhh......Ik ben mien tas an 't inpakken.........moeders giet 'n paor daog op vakaansie........jaja.......teminnen dat dacht ik.........Nou ik de papieren der is bij pakt heb, wordt ut mij dus wel duudluk dat 't hielemaol gien vakaansie is !

Zoas elk wel hef kunnen lezen, bint wij kort leden begunt op vakantiepark het Timmerholt op de horeca aofdeling......wat wij natuurluk uutgebreid met oeze wichters hebt bespreuken......zie waren vol enthousiasme........

Totdat oeze Sam mij op een aovond reup toen ze al in berre lag....."mam?" ja kind, wat is der? zee ik......"nou kan papa niet mee met mijn schoolreis hè ?" Oh shit, nooit bij naodacht dat Roef met zul met Sam heur schoolreissie.....ehhh nee Sam dat wordt um nie.......maor zee ik, nao een körte overpeinzing….”Wil je dat ik met gao?” “Nahhh dat wil jij toch niet.....of wel mam?”.....Als jij dat wil Sam dan gao ik met je op schoelreis.........kind heulemaol bliede natuurluk.... Al begriep ik wel dat ze liever har dat Roef met gung......'t begun van de week al met: “Mam......jij slaapt bij ons op de kamer”......der achter an kwam gelieks: “Maar mam,  je moet niet zo streng zijn hoor”......tsssssss........oke dan......

Ik slaop met 18 kinder op ien kaomer.....”18 KINDER”.... ...van woensdag tot vrijdagmiddag ien uur......40 kinder in totaol...........vakaansie? ho maor....... nahjahhh....ik gao maor verder met mien tas in pakken.....Sam zul mij vanaovond wel eefies met helpen.......dit möt met .....dat möt met......

"Mam? doe je wel even een andere “pyama” in je tas ???? Noujah zeg…..is mien pyama ök niet goed genog……oke.....dat zeg iene van 11 jaor........nou veurruit dan maor...... Ik stop nou ök nog maor gauw een flessie Hugo under in de tas.........stel je veur dat dat der nie is.......  tot vrijdag allemaol........

 _______________________________________

Nahhhhhh.....wij bint der weer........mien eerste en leste schoelreissie…..    neejjjjjjj hor.....gekheid........

De eerste uur'n moei't 'n beetie aoftasten, je kent mekaor as leiding nog nie zo goed, maor wat dat betreft bin je net kinder..........'t is maor eem, en je hebt een lol met mekaor.........ik heb wat aoflacht dizze paor daogen.......echt tot liefzeert an toe..........

Het was in ien woord super !!! De daogen waar'n zo um.....van alles te doen in en rondom de accomodatie, waorunder woensdagaovond een GPS tocht in 't bos........nou bin ik nie zo goed in de weg vinden, dus wat is der dan mooier um je 's avonds tiedens 'n GPS tocht in 't bos te verstoppen en de kinder de stuipen op 't lief te jaogen......geweldig........ Geweldige mooie daogen had, mooi weer, mooie club kinder, de begeleiding dit jaor was natuurluk uitermate goed.....kun nie beter........

En...........ik heb mij maor nie al te veul met Sam bemuit.......'k heb maor oogkleppen op daon........terwijl ik toch veul heur naom veurbij heurde kommen van de kinder die 's nachts nog NIET sleupen........gek hè..........

Bedankt allemaol veur de gezelligheid dizze afgeloop'n 3 daog'n. TOP !

 dibujos-autobus1.gif