Roos dattien jaor......

Roos dattien jaor (1 oktober 2014)roosbaby.jpg

Mörgen....13 jaor leden.....1 oktober 2001.....'t heurt zo wiedt vot maor zo dichtbij.....

Zundagmörgen 30 september.....Roef mus uut voetbal'n, jaja toen dee Roef nog volop met in't glorieuze darde elftal van Buun'n, dus....... op tied de boxem an.....ik lag nog heerluk te slaopen....tot ik um een uur of 10 wakker wur en daacht.....hum...volgens mij giet der nou wat gebeur'n.....

'k Heb toch eerst maor es Roef belt, veurdat die in't heetst van de stried terug floot'n wur dat e naor hoes kom'n mus.

Maor nee, Roef was wel zo verstandig um te zeggen dat e toch maor as reserve an de kaant bleef....stel je veur......

Och.....ik zee doe maor kalm an, der is verder nog niks an de haand, maor dan weet ie der eefies van.........Roef hef nog rustig daor 'n kop koffie drunk'n, terwijl aandern um verbaost an zaten te kieken umdat e gien anstalten meuk um en hoes te gaon.                              

Nee, ik har ja zegt, doe maor kalm an, waor maok ie je drok um..........

Roef vreug an't einde van de middag of der al iets gebeurde: nou reup ik: as elk zo kinder kreg, kan ik der met gemak wel 10 krieg'n........der gebeurde niks....

Nou al met al hef't tot aander daogs duurt veurdat der ok maor iets veraanderde, 's maondags um 16.30 uur was ze der dan eind'luk........

 Dikke bos zwart haor, 8,5 pond schoon an de haok !

 Oeze Roos !!

 Wij, zo trots as'n pauw, gien mooier kind was der op de heule wereld !

En nou......2014......dattien jaor laoter......nog steeds bint wij trots op heur......op alles wat ze maor dut.....ondanks dat der de leste tied ok wel "ies" wat strubbeling'n bint.......maor zoas elk zeg "dat giet weer over", nou ja, daor holt wij oes dan maor an vast.

 En wees nou eerluk.....der is toch gien mooier wichtie as oeze Roos???

roos13jaar.jpg