Brussel 13 juni 2015

One Direction in Brussel.                         nail.jpg

Tja......veurige week har ik hier nog een heule hiepere puber in hoes rondlopen, zo drök as wat, wol alles wel veur mij doen.....want de volgende dag gung oeze auto richting Brussel........One Direction....

Nou zul ie denken....mien god ij bint nie wies, wel giet nou en Brussel veur 'n concert van One Direction ( dat zee mien Roef dus ök)..... ik eerst ök......maaja.....

Veurig jaor, 'k weet nog goed, was 't kind heulemaol in zak en as, One Direction kwam nie in Nederland........'k Heur Wobke nog zeggen "goh wat jammer, waar komen ze wel dan?" Ze komen wel in Brussel zee Roos......."och kind dan gaon wie daor toch mit die hen", was Wobke heur reactie.......'k Zie Roos direct naor mij kieken........en ik.........ik stun met de bek vol tanden......tja wat moeij dan.......

In november 's morgens op tied achter de computers.....elk optrommelt um alles op alles te zetten um kaorties te bemachtigen..........en tja wat gebeurt der........'t was zo drök, alles leup vast, gien kaorties..........een kind in hoes die nie te troosten was........traonen met tuiten........totdat Babs oes belt......die zat ök met Petra achter de computer um oes te helpen......en jawhor het was heur lukt........Babs har kaorten........nou waar'n 't nog meer traonen, want Babs mus der ök haost van janken.......omdat oes wicht zo bliede was.......

Veurige week zaoterdag was't dan eindeluk zover.....op tied de boxem an en met Dian, Roos & Wobke op naor Brussel..........

Wij hadden een hiel mooi kneuterig Bed & Breakfast vunn'n in Brussel met 'n hiel mooi dakterras, waor Wobke en ik oes sigarettie & borreltie (let wel: licor 43!) kun'n nuttigen en dan ök nog ies een hiel mooi uutzicht op een hiele mooi Belg......jaja een mooie Belg...... al dachten de wichter daor heul aans over........en daorbij vunn'n ze daj daor op zun leeftied as wij niet meer naor kiekt...........humhum........

's Aovonds um een uur of 7 in de tram richting het Koning Boudewijn stadion, 'k har nou oordoppen in de tas stopt, 't was mij veurig jaor nie goed bekommen zunder oordoppen met al die gierende, gillende, hysterische wichter.........

Toen One Direction dan eindeluk op kwam, 't giet je deur merg en bien, zo wordt der giert in dat volle stadion, en ik kiek naor mien dochter, die allen maor kan schreien, ie snukte 't oet, traonen loopt heur over de wangen, zo bliede, zo mooi, ie genöt, ie kan nie geleuven dat ze in Brussel bij een concert van One Direction is...........

Ik as nuchtere Drent, krieg der dan een brok van in mien keel, um te zien dat je dochter zo genöt, die je laoter umhelst en zeg dat ze 't zo geweldig mooi vun........mien dochter die Wobke thuus umhelst en heur bedankt dat ze met was en dat ze 't zo gezellig vun.........

Wobke en ik hebt natuurluk 's nachts nog heerlijk op oes dakterras zeten, wij huufden ja nie meer naor huus rieden, dus de fles op taofel, en dat ök nog ies met een heul mooi uutzicht......wat wul je as 40 plussers dan nog meer.......

Tja de rit naor huus de volgende dag was iets minder.......niet topfit natuurluk......'n fles Licor 43 leeg.....laot in berre.......'s nachts der nog weer uut omdaj deur 't berre krakt bint.......

Um een uur of twee zundag middag weer in hoes, direct deur naor 't sportveld veur oeze jaorlijkse Buuner Straoten Volleybaltoernooi......

Ie kunt denk ik wel begriepen da'k 'n paor daog neudig har um bij te kommen van dit alles......ik as 40 plusser.....

Ach....nou jah.......ik denk dan maor zo, dit kunt ze oes niet meer aof nimmen, dit hebt wij weer in de buus.....

 tja.......Maor es kieken waor wij volgend jaor terrecht komt......

onedirection.jpg