Aniet giet weer naor schoel.....

Schoel 2014/2015 jangerms2.jpg

De leste tied was't rustig vanaof dizze kaant......'k har nie veul tied op mien manier um iets te schrieven want..... Aniet giet weer naor schoel !!

Jawel....elke dunderdag zit ik in de schoelbanken....en ik vin't waarempel ok nog mooi man !

Ja en dat mag in de kraant, want vroeger was ik meer "van" schoel dan "op" schoel....

Ien groot naodeel van dizze schoel is; ik moe rekenen......verpleegkundig rekenen....en dat hef miester Jan Germs mij nooi leert gleuf'k....ik wus bij god nie waor ze 't over hadden de eerste paor keer op schoel....

Roef hef mij in't begun nog poogt te helpen met de boel ontciefern.... dat gung ök nie geweldig......op 'n gegeven moment kwam Roos naor beneden….. of ’t wel goed gung met oes beiden......we waar'n 't heulemaol nie met 'n beiden iens....

Maor deur aal maor weer de boeken te pakken, oefen, en nog es oefen, aal maor weer neie sommen maoken bin 'k toch aordig ver kommen.....ik begriep der nou in ieder geval "iets" van.

Toevallig was 'k vanmiddag eem bij oes mam, die zat in de foto's en paperassen....en wat lag der veur mij klaor…… mien rapporten van de legere schoel....nou ja…..daor wur ik ök nie vrolijk van....

Ik vreug oes mam natuurluk gelieks: "hef Sam ze ok zien?" Jazekersssss 't was al te laot, Sam gniffelde vanmiddag natuurluk breed oet toen e in hoes kwam.

Misschien har'k vroeger op de legere schoel toch wat beter opletten moet'n, wat meer mien best moet'n doen.....of in de woorden van Miester Jan Germs: 

"Anita moet haar verstand beter bij het werk houden" of  "Anita neemt de zaken soms nog steeds wat gemakkelijk op" of  " Beter door werken Anita!"  .........hieroet bliekt wel dat Jan ök nie arg tevreden over mij was......

Jan kun wal netties en sierluk schrieven……dat dan weer wel......

De boek'n nou maor es veur 'n paor uur dicht daon, mörgen is der weer ’n dag…..

Nog eefies, en ik ben drs. Sanders in de rekenkunde gleuf'k.....'k kan gien ciefers meer zien....ak 's nachts wakker wor....denk ik....oh shit hoe zat 't ok alweer? Dan heb 'k de ciefers en de reken sommen alweer bij de kop.

Ankommende donderdag hek dan eindelijk mien eerste exaomen.....'k kan me nie heugen da'k vroeger ooit veur'n exaomen zenuwachtig was, maor nou? Gadverdarrie....

Maor goed......veur nou: Nim ik nog 'n flinke borrel en gao 'k lekker slaopen, mörgen maor weer es in de boeken en wel wet….misschien wordt het ooit nog wat met mij.....

_____________________________________________________________________________________

Verpleegkundig reken Exaomen 5 februaori 2015 

Oehlalalalalalaaaaa wat is Aniet bliede........100% goed......nog nooit......echt nooit in mien heule vroegere "schoel carrière" is het mij lukt om 0 fout te hebben.......tralalalalalaaaaa.......
En bij All-in hotel De Bonte Wever Assen**** bint ze ok bliede.....ik zat daor aal week wanneer oeze Roos an 't trainen was te blokken, oefen'n en nog es oefen'n.......'t heerlukke gebak weur Sam en mij al an de taofel bracht.....koffieengebak.jpg
Strakkies thuus gauw de kachel an.....kunt al die papier'n met sommen direct in de braand.... en zal ik 't weekend maor es begunnen met de theorie in mien kop te stampen..........want dat möt nou nog ëem"gebeur'n, veurda'k der hielemaol klaor met bin........


'k Ben wel beneid......zul meester Jan Germs nou wat aans op 't rapport zet'n......of.........ie gleuft der niks van, dat kan natuurluk ok.......

 

jan2.jpg

________________________________________________________________________

23 april 2015 !

Zoooooo .........wat 'n veraodeming..........hij is binnen......mien DIPLOMA......der bint wel es tieden west da'k mien ciefers nie zien duurde laoten.......maor nou......nou vol trots  heb ik um maor eem fotografeert......veurdat ik nie geleuft wordt........
'k Mag nou dan ok eindelijk mien paraaf zetten met VIG/IG......hoe bliede en opgelucht kan een mens weez'n....

cijfers.jpg